Баланы сүйрөп кеткен автобустун айдоочусу кармалды

04-октябрь, 10:41

461 ᠌ ᠌ ᠌ ᠌᠌ ᠌ ᠌᠌

№18 автобустун айдоочусу кармалгандыгын Чүй облустук Жол кыймылын көзөмөлдөө башкармалыгынан билдирди.

Маалыматка ылайык, 3-октябрда 15:30 чамасында аталган автобустун 1985-жылы туулган айдоочусу С.Н. Маевка-Күн-Туу багыты боюнча Достук айылынан жүргүнчүлөрдү түшүргөн. Автобустан эң акырында 2008-жылы туулган, №70 мектеп-гимназиясынын окуучусу түшкөн. Түшүп баратканда   автобуска баланын курткасы илинип калган. 

Ал эми айдоочу окуучуну  көрбөй айдап кетип, арткы дөңгөлөгү менен аны тебелеп кеткен. Алган жаратынан бала Бишкек травматология жана ортопедия илимий-изилдөө борборунда эсине келбей каза тапты.  

  Окуучу бүгүн, 4-октябрда жерге берилди. 

Аryba.kg