Мира Жангарачеваны кызматка кайтып келишин президенттен суранышууда

04-декабрь, 10:22

823 ᠌ ᠌ ᠌ ᠌᠌ ᠌ ᠌᠌

Гапар Айтиев атындагы көркөм сүрөт музейинде болгон окуяга байланыштуу кечээ Кыргызстанда Сүрөтчүлөр союзу башкармалыгы чогулуш өткөрүштү. 

Сүрөтчүлөрдүн пикиринде, феминаледе чынында эле чагымчыл перформанс болду. Алар «чыгармада» көркөм баалуулук болбогонун, актуалдуулугун жоготкон эскирген жана жөнөкөй ыкмалар колдонулганын баса белгилешти. Кеп Даниядан келген модель кыздын жылаңачтанганы тууралуу болууда.

Сүрөтчүлөр союзу башкармалыгынын мүчөлөрүнүн айтымында, жаш министр Азамат Жаманкулов музейдин директору Мира Жангарачеваны кызматтан алуу тууралуу буйрукка кол коюп, шашылыш чечим кабыл алды. 

Сүрөтчүлөр союзу Мира Жангарачеваны кызматка кайра алып келүүнү суранышып, президент Сооронбай Жээнбековго кайрылуу жөнөтүштү.

Aryba.kg