Каныбек Осмоналиев, профессор: “Бишкектин ичиндеги көрүстөндөрдү эчак эле жабыш керек болчу”
-- Президенттин көрүстөндөр боюнча айтканына кандай карайсыз? Ошондой эле сөөк коюуда мал сойбой коюу туурабы?
-- Президент көтөргөн маселе бүткүл дүйнө жүзүндө актуалдуу болуп турат. Өлкөбүз 95% тоолуу болгондуктан, катуу тартип менен эле көрүстөн маселесин бир өңчөй чечип коюш керек. Популист саясатчыларга эч нерсе жакпайт. Бишкектин ичиндеги көрүстөндөрдү эчак эле жабыш керек болчу! Айрыкча "Ала-Арча" мемориалдык жайды. Муну дагы өзүнчө эле касталык деңгээлге чыгарып алышыптыр! Ал эми “мал сойбош керек” деген талап кыргыздын каада-салтына шайкеш чечилиши абзел. Өтө аша чаап кетип жатышат. Айрыкча чиновниктер. Алар карапайым элге үлгү болбой эле, тескерисинче, коомду козутуп жатышат. Мисал үчүн деп туруп, алардын бир нечесин ырайымсыз жазалап коё турган, жерлерди ченемсиз эле менчиктеп алган адамдарды жоопко тартуу убактысы келди!
"Азия Ньюс" гезити
