Акыркы кабарлар
22:22
» Коом » Кыргызстандан чыккан аракка беш өзбек ууланыптыр, каза болушту
Кыргызстандан чыккан аракка беш өзбек ууланыптыр, каза болушту
07-январь, 13:32
Өзбекстандын Наманган облусунда аракка ууланып беш киши көз жумду. "Азаттыктын" өзбек кызматы жергиликтүү басылмаларга таянып кабарлагандай, алар Кыргызстанда чыгарылган аракты ичишкен.
Окуя жаңы жыл майрамынын алдында Төрө-Коргон районунда болгон. Аракка ууланды деген 13 киши ооруканага жеткирилген. Райондук прокуратура кылмыш ишин ачып, иликтөө баштады.
Аракка ууланып көз жумгандардын жаш курагы 36дан 52ге чейин.
Райондук оорукананын башчысы уулангандардын алтоо сакайып, үйгө чыгарылганын билдирген.
