Дональд Трампка уу жиберген аял кармалды

21-сентябрь, 14:13

469 ᠌ ᠌ ᠌ ᠌᠌ ᠌ ᠌᠌

Америка Кошмо Штаттары менен Канаданын чек арасында “АКШнын президенти Дональд Трампка уу жиберди” деп шектелген аял кармалды. Бул тууралуу маалыматты “NBC” телеканалы укук коргоо органдарынын маалыматына шилтеме берип айтып чыкты.
Маалыматка ылайык, шектүүнү АКШнын чек ара кызматы кармаган. Шектүү тууралуу так маалыматтар айтылган эмес. Кармалган аялда курал болгону гана маалымдалат.
Эске сала кетсек, 19-сентябрда Дональд Трамптын атына келген кутудан өлүмгө алып барган рицин уусу табылган. Ал Акүйгө кире элегинде аныкталган. Учурда бул боюнча тергөө иштери башталган.