Марат Козукеевдин көзү тирүү болгондо 50 жашка толмок
Театр жана кино жылдызы, Т.Абдумомунов атындагы Кыргыз улуттук академиялык драма театрынын мурдагы көркөм жетекчиси Марат Козукеевдин көзү тирүү болгондо 8-сентябрда туура 50 жашка толмок. Бул тууралуу анын кесиптештери маалымдашты.
"Кыргыз маданиятына опол тоодой эмгек кылган инсандардын бири, чыгаан режиссер, КР эмгек сиңирген артисти Марат Козукеевдин көзү тирүү болгондо 8-сентябрда туура 50 жашка толмок... Жаткан жериңиз жайлуу болсун, бейиштик болуңуз!” дейт алар.
Марат Козукеев 1970-жылы чыгармачыл адамдардын үй-бүлөсүндө туулган.
Ал 1988-1992-жылдары Н.К.Черкасов атындагы Ленинграддагы театр, музыка жана кинематография институтун аяктаган. 1992-1993-жылдары Б.Кыдыкеева атындагы жаш көрүүчүлөрдүн театрында эмгектенген. 1993-жылдан тарта Т.Абдумомунов атындагы Кыргыз улуттук драма театрынын актёру, режиссеру, акыркы кездерде көркөм жетекчиси болгон.
“Фабула”
