Жума намазга уруксат берилсе, кайрадан вирус каптап, эл кырылабы?
Өкмөткө кайрылган муфтият жума намазга уруксат берүүнү суранууда. 1-вице-премьер-министр Алмаз Батырбеков бул боюнча так кесе жооп бербестен, санитардык нормалардын бузуларын айта албай, ары же бери эмес, ыргылжың абалда турганы кандай? Коронавирус апааты убактылуу басаңдаганы менен күтүүсүз өрчүп, кайрадан капсалаңдуу жагдайды жаратып коюшу мүмкүн. Анүчүн той-аштарга элди чогулттурбай, кескин түрдө чектөөлөрдү киргизүү зарыл. Эгерде жума намазга уруксат берилсе, миңдеген адамдар мечиттерде быкпырдай кайнап, эпидемиологиялык кырдаал курчуп, кыйын кезең жаралса ким жооп берет? Вирустун экинчи толкунун мамлекетибиз көтөрө алабы? Ансыз да карапайым калк каржалып, жумушсуздук көбөйүп, жакырчылыкка батып баратабыз. Мындай шартта ден соолук коопсуздугуна көңүл бөлүү керек. Абал турукташканда гана жума намазга барса болот да, туурабы?..
Aryba.kg
