1-июлда эл митингге чыкса, Кашкар Жунушалиев кайрадан сабатабы?
Кандайдыр бир деңгээлде коомчулукта чыңалуу жаралып, июнь айынын аягы, же 1-июлда нааразылык акциясына чыгуу аракеттер көрүлүп жатканы байкалууда. Бул боюнча сөз көбөйүп, ырбап баратканы кандай? Баштагыдай алдыртан жарыясы анчалык айтылбаганы менен пикир түзүлүүдө. Бир жагынан пандемия апааты карапайым калкты каржалтып, жашоо-шарттын барган сайын начарлашы, үмүттөрдүн үзүлгөнү айтылууда. Өкмөт, күч органдары алдын ала кырдаалды жайгарууну, түшүндүрүү иштерин жүргүзүүнү ойлошпой, дымып жатышканы эмнеден кабар берет? Же ИИМ башчысы Кашкар Жунушалиев митингге чыккан элди кайрадан сабатууну пландап жатабы? Азыр андай жагдай эмес да! Ансыз да кор тутунган милиция чеп болуп туруп бермек беле? Кыскасы, элге ачык-айкындуулук керек. Тажрыйбасыз, жөндөмсүз, келечекке карай демилгесиз жетекчилердин айынан сазга батып, шалаакы кадр саясатынын кесепети как башыбызга тийип калбайбы?..
Aryba.kg
