Ишбилги кадрларды, мугалимдерди баалабай көчөгө айдап чыгуу акылга сыябы?
К.Скрябин атындагы Кыргыз улуттук агрардык университетине жаз айында жаңы ректор келген. Аты-жөнү Тотубаева Нурзат Эрмековна.
Ал келгенден бери эле университеттин кадрларын «эрмектөө» менен алек. Сөзүбүз куру болбошу үчүн далил келтирсек, Тотубаева ишке киришкенден бери проректорлорду алмаштырып тынды. Андан соң декандарды жаңылады. Эми жатакананын коменданттарына, кафедра башчыларына кезек келди окшойт. Жалпысынан ректор айым ондогон жарактуу кадрларды кетирип, алардын ордуна «өз» кишилерин дайындаганы ырааттуубу? Жетекчи шашылыш түрдө чечим кабыл алып, кадр саясатын каалагандай эле калчай берсе, көп жылдык эмгек кылуунун акысы, кызматкерлердин укугу кантет? Мындай өзүм билемдиктин аягы жакшылыкка алып барбасын Нурзат айым эсине алышы керек. Көптөгөн ишбилги кадрларды, мугалимдерди баалабай көчөгө айдап чыгуу акылга сыябы?
Алдыда дагы арбын сөз болчудай...
