Дүйнөдө ар бир үчүнчү аял физикалык же сексуалдык зомбулукка кабылган
Дүйнө жүзүндө дээрлик ар бир үчүнчү аял физикалык же сексуалдык зомбулукка кабылган. Ал эми 2024-жылы ар бир он мүнөт сайын бир аял же кыз жакын өнөктөшү же үй-бүлө мүчөсү тарабынан өлтүрүлгөн.
«Аялдарга жана кыздарга карата зомбулук – дүйнөлүк масштабдагы туруктуу жана кеңири жайылган кырсык» деди Гутерриш.
Анын айтымында, зомбулук аялдардын денесинде жана психикасында оор жаракаттарды калтырат. Ошондой эле алардын киреше табуу жана билим алуу мүмкүнчүлүктөрүнөн ажырашына алып келет. Мындай көрүнүштөрдүн кесепети бүтүндөй коомчулукка таасир этип, теңсиздикти күчөтүп, экономиканы алсыратат.
БУУнун маалыматына караганда, зомбулукка каршы күрөш үчүн зарыл болгон каржылоого болгон муктаждык учурдагы мүмкүнчүлүктөрдөн кыйла жогору. Маселен, 2025-жылы эле фондго жалпы суммасы 2 миллиард доллардан ашкан каражатты талап кылган өтүнмөлөр түшкөн.
