Акыркы кабарлар
» Коом » Өлкөдө коронавирус жуктурган сегизинчи адам каза тапты
Өлкөдө коронавирус жуктурган сегизинчи адам каза тапты
22-апрель, 16:37
Республикалык жугуштуу оорулар ооруканасында 22-апрелде коронавирус жуктуруп алган 53 жаштагы аял каза тапты. Бул тууралуу оорукананын башкы дарыгери Гүлжигит Аалиевге таянып, АКИpress жазды.
Анын айтымында, аял ооруканага 5-апрелде жаткырылган.
«Буга чейин ал Кеминдеги аймактык ооруканада 1-апрелден 5-апрелге чейин дарыланган. Аялда коронавирустан тышкары кант диабети, жогорку тобокелчиликтеги гипертониялык оору, жүрөк оорусу жана башкалар болгон», - деген башкы дарыгер.
Ошону менен Кыргызстанда коронавирус илдетинен каза тапкандардын саны 8 адам болду.
