Акыркы кабарлар
» Коом » Россияда сутка ичинде COVID-19 вирусунан 24 бейтап каза болгон
Россияда сутка ичинде COVID-19 вирусунан 24 бейтап каза болгон
13-апрель, 14:47
Демалыш күндөрү Орусиянын 52 аймагында 2 миң 186 адам коронавирус жуктуруп алган. Бул тууралуу аталган өлкөнүн ыкчам штабынын маалыматына таянып жергиликтүү маалымат булактары жазышууда.
"Сутка ичинде COVID-19 вирусунан 24 бейтап каза болгон. Жалпысынан Орусияда пандемиянын кесепетинен 130 адам көз жумган. Акыркы 24 саат ичинде 246 бейтап ооруканадан чыгарылып, илдеттен айыккан адамдардын жалпы саны 1 миң 291 адамга жетти", - деп айтылат маалыматта.
Орусияда коронавирус жуккан адамдардын жалпы саны 15 миң 770 адамга жетти. Алардын ичинен эң көбү Москва шаарынын тургундары, тагыраагы, 1 миң 306 киши вирус жуктуруп алган.
