Акыркы кабарлар
» Коом » Дастан Бекешов: “Кечээки сот көрсөттү. Мамлекет канча чыгым тартты?”
Дастан Бекешов: “Кечээки сот көрсөттү. Мамлекет канча чыгым тартты?”
17-февраль, 09:00
-- Дастан Далабаевич, кечээ социалдык тармактарда сиздин Алмазбек Атамбаевдин бошотулушу боюнча пикириңиз жарыяланды. “Мурдагы президент эптеп эле Атамбаевди камаш үчүн бюджетти эбегейсиз чыгымга дуушар кылды” дегендей ойду айтыптырсыз. Сизди туура түшүндүкпү?
-- Кечээки сот деле ошону көрсөтпөдүбү. Мамлекет канча чыгым тартты? Комиссия мүчөлөрү Түркияга чейин барып келишкен, аларды канча киши камсыздап жүргөн, канча каражат бөлүнгөн? Ага жооп берчү киши тилекке каршы азыр жок. Ошондуктан мен шайлоочуларга кеңеш берер элем, шайлоо учурунда жакшы кишини тандаш керек. Бул келечектеги президенттерге дагы сабак болушу кажет.
-- Сиз Эдил Басаловдун ушул боюнча жазганын окуй алдыңызбы?
-- Ал чындыгында менин постумду окуп алып, ошого жооп берип атат, фамилиямды айтпай эле. “Туура эмес түшүнүп атасыңар, мындай түшүнүш керек” деп жазып атпайбы. Байсаловдуку түшүнүктүү да эмнеге антип жазып атканы. Сооронбай Жээнбековдун учурунда ал биринчи кызмат алган. Ошон үчүн ушинтип жазып атат."Азия Ньюс" гезити
