Акыркы кабарлар
» Коом » Борбор калаанын акимиаттары курултайга даярдык көрүүдө
Борбор калаанын акимиаттары курултайга даярдык көрүүдө
10-октябрь, 18:58
Бул тууралуу шаардык мэриядан билдиришти. Маалыматта айтылгандай, даярдык иштери президенттин 2022-жылдын 15-августундагы №284 "Элдик курултайды чакыруу жөнүндө" жарлыгынын, ошондой эле Бишкек шаардык кеңешинин 15-сентябрдагы №44 "Кыргыз Республикасынын президентинин жарлыгын ишке ашыруу жөнүндө" токтомунун алкагында жүргүзүлүүдө. "Иш-чаралардын планы түзүлүп, курултайга делегаттарды көрсөтүү боюнча жергиликтүү жамааттын мүчөлөрүнүн чогулуштарынын жана жыйындарынын графиги бекитилди. Белгилей кетсек, биринчи элдик курултайды өткөрүү боюнча уюштуруу комитетинин экинчи жыйынында иш-чаранын датасы 2022-жылдын 5-ноябрына белгилөө чечими кабыл алынган, ага байланыштуу жергиликтүү курултайлар республиканын аймактарында, ошондой эле Бишкек жана Ош шаарларында өтөт. Ал эки этапта өтүшү керек: адегенде жергиликтүү курултай чакырылып, делегаттар шайланат, андан кийин ыйгарым укуктуу делегаттардын катышуусунда элдик курултай өткөрүлөт.
