Перизат Суранова: “Конституциянын жаңы долбоорун иштеп чыгуу боюнча жумушчу топту түптөдүк, эксперттер өз жумуштарын баштады”
“Бириккен демократиялык кыймылдын” мүчөсү менен маек.
-- Перизат айым, “Бириккен демократиялык кыймылдын” (БДК) үнү чыкпай калды го?
-- Үнүнбүз чыгып, тынымы жок иш алып баруудабыз. Биринчиден, БДК жакынкы күндөрдө орчундуу маселелер боюнча коомдук талкууларды жер-жерлерде уюштуруп, бул боюнча биз менен бирге пикирлештердин үнүн, ойлорун уктук. Экинчиден, азыркы бийликтин чечимдерине альтернативалык көз карашыбызды ар дайым билдирүүдөбүз жана билдирип турмакчыбыз, буга учурдун талабы түрткү берүүдө.
-- Эгемендик күнүбүздү кандай шартта белгилегени турасыңар?
-- Кыргыз Республикасынын эгемендүүлүк күнүн эл менен бирге белгилейбиз. Эгемендик күн баарыбыздын азаттыкка чыккан күн эмеспи, аны кандай болгон шартта да эсибизден чыгарбашыбыз керек деп ойлойм.
-- Башмыйзамдын оош-кыйышына катуу киришип аттыңар эле, эмне болду?
-- Конституциянын жаңы долбоорун иштеп чыгуу боюнча жумушчу топту түптөдүк, азыркы учурда эксперттер өз жумуштарын баштады. Натыйжасы жаман болбойт.
Сурат Жылкычиев
"Азия Ньюс" гезити
