Ташиевден таяк жеген Абдыбахабов Манас шаарына мэр болууга чуркап атыптыр
2015-жылы Камчыбек Ташиев “Өнүгүү-Прогресс” партиясынан парламентке талапкер Абдыманап Абдыбахабовду сабап салганы эсибизде. Чуулган чыгып, жабырлануучу арызданып, “Бейбаштык” беренеси боюнча кылмыш иши козголган. Натыйжада, “Республика Ата Журт” партиясынан Камчыбек Ташиевдин талапкерлиги алынып салынат. Көрсө, “өзү тийишкен бала ыйлайт” тура. Лакап өзгөрдү. Бул эски чагымчылык болсо, азыркысы кандай?
Мына ошол Абдыманап Абдыбахабов азыр баш көтөрүп, Манас шаарына мэр болууга чуркап атканын эшиттик. Жаңы барган “Таксистти” жерип, анын колунан пок келбесин айтып жүрөбү? Абдыбахабов башынан Ташиевге душман экенин билдирип, “устуканга” оңой жетүүгө киришкениби? Айтор, кызык эле күндөр өтүүдө. Мындай кадрлар менен келечекти элестетүү мүмкүнбү?
