Орто жаштан өткөндө нагыз балбандар күрөшпөйт, алар жаштарга насаатчы болушат
Ардагерлер арасындагы дүйнөлүк мелдешке Кыргызстандан барган карт балбандар улам бир медал алышып эле дуулдап атышат. Кут эле болсун! Эмнеге алар жаш кезинде эл аралык аренага чыга алышпай, азыр ийгилик жаратышууда? Жандырмагын чечмелеп коелу. Жаш куракта атаандаштык курч мүнөздө өтөт. Ийгилик багындыруу оңой эмес. Ал эми ветерандардын мелдешинде дүйнөнү дүңгүрөткөн спортсмендер жокко эсе. Себеби, убагында үлкөн ийгиликтерди багындырган чемпиондор орто жаштан өткөндө бренд катары өздөрүнүн аброюн сакташып, күрөшө беришпейт. Тек гана алар насаатчы болушуп, жаштарга тажрыйбаларынан бөлүшөт. Өрнөк көрсөтүшөт. А биздикилерге түшүнүп болбойт, эгоист болушабы? Жаштарды эмнеге колдошпойт? Негизи 40-50 жаштан кийин атаандаштык анчалык болбой, ортозаарлар менен күрөшүп коюп эле жеңишке жете берсе болорун көрбөдүкпү. Шатырап эле “чемпион” боло беришпей жаштарды тапташпайбы?..
Aryba.kg
