Акыркы кабарлар
» Коом » Бишкекте дагы бир мектеп онлайн окууга өттү
Бишкекте дагы бир мектеп онлайн окууга өттү
15-декабрь, 11:56
Бишкек шаарында жайгашкан №62 мектеп онлайн окуу форматына өттү. Бул тууралуу шаардык билим берүү башкармалыгынан билдиришти.
Алардын айтымында, аталган мектепте бир окуучу жана бир мугалимден коронавирус илдети аныкталган.
“№62 мектепте бир мугалим, бир окуучудан коронавирус илдети аныкталгандыктан, бүгүндөн баштап 24-декабрга чейин 1-класстан 11-класска чейин онлайн окууга жөнөтүлдү” деп билдиришти мекемеден.
Эске салсак, буга чейин Бишкек шаарында жайгашкан №56 мектеп коронавируска байланыштуу карантинге жабылганы айтылган.
