Акыркы кабарлар
» Коом » Элчилик: “Россиядагы кош бойлуу келин мекенине кайтарылат”
Элчилик: “Россиядагы кош бойлуу келин мекенине кайтарылат”
02-ноябрь, 12:15
Кыргызстандын РФдагы элчилиги социалдык тармактардагы “кош бойлуу кыргызстандык келин көчөдө калды” деген кабар жөнүндө маалымат таратты. Анда видеодогу келин аныкталып, жакын арада Кыргызстанга кайтарылары айтылат.
Элчиликтин маалыматына ылайык, видео социалдык тармактарга тарагандан кийин кыздын жакындары издеп тапкан. Туугандары анын бардык документтери жайында болгондуктан, жакын арада Кыргызстанга жөнөтүлөрүн билдиришкен. Элчиликтин маалыматына ылайык, келиндин беш айлык боюнда бар.
Буга чейин социалдык тармактарда Москвада үй-жайы жок адамдарга уюштурулган ысык тамак учурунда тартылган видео жарыяланып, анда келин боюнда бар экенин, күйөөсү кубалап чыкканын жана документтери жок экенин айтып берген.
