Мамлекеттик ишмер Болот Мамбетовдун эмгеги бааланып, “Кыргыз Эл Баатыры” берилеби?
Улуу муундун интеллигенциясы жана СССР доорунун 1950-60-жылдарында жашаган адамдар Болот Мамбетовду жакшы тааныйт. Бул адамдын Кыргыз Республикасына кылган эмгеги ат көтөргүс. Өзгөчө суу, сугат тармагында. Кесиби инженер-гидротехник болгондуктан республикада биринчи дыйкан талааларды ирригациялаштыруу жагынан бу кишиге адис катары эч ким тең келе албаганы айтылат. Учурда Болот Мамбетов даярдаган кадрлардын жоон тобуна көзү өтүп кетсе да “Кыргыз Эл Баатыры” наамы берилди жана ордо калаада көчөнүн аттары коюлду. Эмнеге үч жолку “Ленин” орденинин, “Кызыл Жылдыз” орденинин жана үч жолку “Эмгек Кызыл Туу” ордендеринин ээси, Кыргыз ССРинин мурунку суу чарба министри (1954-1961 ж.ж.), Кыргыз ССРинин мурунку министрлер советинин председатели (1961-1968 ж.ж.) кызматтарын аркалаган Болот Мамбетов агабызды эскерген жан жок? Ушу кишинин эмгеги бааланып, “Кыргыз Эл Баатыры” наамын ыйгарып койсо болот беле?
Сурат Жылкычиев
"Азия Ньюс" гезити
