Света Тойгонбаева, айтымчы: "Парламенттик шайлоо тоскоолдуктарга учурашы мүмкүн"
Төлгөсү төп келген, кырсыктардын алдын ала билген айтымчы Света Тойгонбаева алдыдагы парламенттик шайлоо тууралуу төлгө ачып, учурдагы партиялардын мүмкүнчүлүктөрү тууралуу айтып берди.
“Парламенттик шайлоодо 6-7-10 деген сандарды көрсөтүп жатат. Жалпы жонунан парламенттик шайлоого 10 партия ат салышат. Үч партия суурулуп чыгып, эки партия басым кылганы менен партиялардын келечеги көрүнбөй жатат. Шайлоо тоскоолдуктарга учурап, күтүлбөгөн жагдайлар жаралышы мүмкүн. Ошон үчүн президент жети өлчөп бир кесип, шайлоону адилеттүү өткөрүшү керек. Антпесе парламенттик шайлоонун айынан башаламандык орун алып, анын кесепети даражалуу кызматта отурган адамдарга тийип калышы ыктымал. Анткени, бул шайлоо абдан курч таймашта өтөт. Кырдаал бат өзгөрөт. Шайлоого катышкан партиялар жеңишке жетиш үчүн болгон күчүн жумшайт. Бардык жактан ийгиликке жетүүгө ашыгат. Ошон үчүн президент таза шайлоо өткөрүп, туура чечим кабыл алышы керек” деди айтымчы.
