Мелис Карыбеков: “Жаштардын муздаган жүрөгүн жылытам...
-- Мелис мырза, азыр эмне менен алек болуудасың?
-- Саясат-паясатты унуттум. Мындан ары бир гана табыпчылык менен иш алып баруудамын. Буга чейин табыпчылыктан бир аз четтеп, анда-санда саясатка аралашкан күндөрүм болгон.
-- Табыпчылык ишти каерде жүргүзүп жатасың, кантип тапса болот?
-- 0770-885-055 телефону аркылуу таап келесиз. Сын-Таш айылы, Ысык-Ата району, Ысык-Ата капчыгайында, айылда, тоо койнунда кабыл алып атам.
-- Кимдер кайрылып атат?
-- Көбүнчө жандүйнөсү жабыркагандар кайрылууда. Анын ичинде жаштар көп. Эң кызыгы, азыркы жаш муун таптакыр башка экен. Жандүйнөсүндө сүйүү жок, жүрөктөрү муздак (Кудайга ыраазычылыгы жок дегеним). А мен жылуулук тартуулайм да. Бир чети улуттук идеология жоктугунан баардык жактан деградацияга учурап, ишеним өлгөн.
-- Адамдын тагдырын өзгөртсө болобу?
-- Ооба, мага кайрылгандар да ушундай суроону көп беришет. Адамдын жандүйнөсүндө өзгөрүү болгондо, анын тагдыры өзгөрөт. А жандүйнөсүн кечире алган гана адам өзүнүн тагдырын жакшы жакка бурат эмеспи. Кечире албаса, пешенесине жазган күндү көрүп кете берет...
Сурат Жылкычиев
"Азия Ньюс" гезити
