“Кока-коланын” тиричиликке кандай пайдасы бар?
● Эки стакан “кока-коланы” унитаздын ичине айланта куюп жиберип, капкагын бир саатка жаап коюңуз. Бул аралыкта баардык бактериялар өлүп калат. Ушундан соң жуулган унитаздын ичи жаркырап, таптаза боло түшөт.
● Кийимдеги майдын тагына “кока-коланы” куюп, 2 саатка коюп коюңуз. Андан кийин жуусаңыз тактан эч нерсе калбайт. Эгер ал так мунай майыныкы болсо, аны 8-10 саатка чейин кармап, анан жууп салуу жакшы натыйжа берет.
● Кафелди “кока-кола” менен жууган жакшы.
● Унаанын маңдайкы айнегин да “кока-кола” менен жууса, кири жакшы кетип, айнек туптунук болуп калат.
● Дат баскан буюмду бир күнгө “кока-колага” салып коюп, анан жууса, даты оңой кетет.
● Түбү күйүп калган мискейге “коланы” куюп, отко коюңуз. Бир кайнаган соң “коланы” төгүп, ысык суу менен жууп салсаңыз, мискейиңиз жаркырап калат.
● Чайнектин ичиндеги кеберден арылуу үчүн ага “кока-коланы” куюп, бир нече мүнөт кайнатыңыз да, андан соң суу менен жууп салыңыз.
"Азия Ньюс" гезити
