Стив Жобстун кызыктуу кеңештери
1. Башкалар маани бербей жүргөн, жөнөкөй эле идея эң чоң ийгилик алып келиши мүмкүн.
2. Көпчүлүктөн өзгөчөлөнгөнгө аракет кылыңыз, башкаларга окшобоңуз. “Чоң нерсеге жетем” деген адам оюна чек койбош керек.
3. Өзүңүз сүйгөн ишти кылыңыз, мүмкүн сиздин оюңузга келген идеяны ишке ашырып, дүйнөнү өзгөртсө болот.
4. Ар бир ишти ички туюмуңуз айткандай жасаңыз, чечкиндүү болуңуз, ар бир жаңы пайда болгон идея чечкиндүүлүктү талап кылат.
5. Баардык улуу адамдар качандыр бир кезде аз гана нерсе менен иш башташкан. Эң жөнөкөйүнөн баштап, барган сайын чоңойтуш керек. Жаркын келечегиңизди дайым элестетип жүрүңүз.
6. Жасаган ишиңизди сүйүп коюунун өзү жетишсиз. Сиз эмгегиңиз менен лидер болуп суурулуп чыгышыңыз керек. Кылып жаткан ишиңизди эң мыкты аткарыңыз.
7. Ар дайым бир нерселерди үйрөнүүгө аракет кылыңыз. Күн сайын жаңы нерсе, көндүмдөр пайда болуп жатат. Убакыттан артта калбай, убакыт менен кошо жарышыңыз.
"Азия Ньюс" гезити
