Эмне үчүн ысыкта кан басым өзгөрөт?
Күн ысып жатат. Эл сыртта жүрөт. Бирок жүрөккө оор. Башы айланып, эсин жоготуп көчөдө жыгылган адамдар... Жайкы ысык басымды көтөрөт, түшүрөт. Кээде бул бир мүнөттүн ичинде болот.
Эмне үчүн ысыкта кан басым өзгөрөт?
Тер менен суу чыгат – кан коюуланат. Жүрөккө жүк көбөйөт – ал бат чарчайт. Тамырлар кеңейип, кээде дарылар иштебей калат. Убагында суу ичпеген – биринчи тобокел.
Изилдөө (European Heart Journal, 2023): температура 30 градустан ашканда гипертониялык криздердин саны 25%га көбөйөт. Жай мезгилинде “тез жардамга” кайрылгандардын 20-30%ы кан басым көйгөйү менен байланыштуу.
Кан басымы бар адамдар эмне кылышы керек?
1. Ар 1-2 саатта суу ич. Жөнөкөй таза суу. Ар күнү 1,5-2 литрден кем эмес.
2. 11:00-17:00 аралыгында көчөгө чыкпа. Көчөгө чыксаң, калпак кий, көлөкөдө бол.
3. Кан басымды эртең менен жана кечинде текшер. Эсиңде болсун: көңүл жоктук – бул да белги.
4. Дарыны убагында ич. “Сезген жокмун” деп токтотсоң, кризис күтүүсүз келет.
5. Баш айланып кетсе, токто. Отур. Жерге чечинип отура кал. Суу ич. Мойнуңду бошот. Бул ысык жүрөктү да, эркиндикти да текшерет. Сен жашсыңбы, чоңсуңбу – жүрөк үчүн жаш өзгөчө эмес. Эгер өзүңдү жакшы көрө турган болсоң, корго. Бул ысык сөз менен эмес, сактык менен өтөт.
Бул постту сактап кой же ата-энеңе жибер. Бир эскертүү бир өмүрдү сактап калышы мүмкүн.
Эрмек Исмаилов
"Азия Ньюс" гезити
