“Назиманы күйөөгө бериш керек” деп Бек Борбиев айтты. Мен алганга даярмын...
(Назима Радбековага!)
Интернеттен көрдүм. Бек Борбиев ырчы өнөктөшү Назиманы күйөөгө бериш керектигин айтты. Кимге экени белгисиз окшойт. Жигити болсо билмекпиз. Демек, башы бош. Мага ушул кыз жагат. Жароокер, назик, кичипейил. Жүрөктү козгойт да... Ал эми өзүм жөнүндө айтсам, отуз үчкө чыктым. Ишкерчилик менен алектенип жүрөм, баймын. Мал чарбам, фермам бар. Назима менен баш кошуп калсам, бактылуу үй-бүлө курат элек. Менин курагымда оңой менен кыздар да жакпай калат экен. Бирок ушул сулууну сыртынан баалап, сүйүп калдым. Буюрса, жакында таанышууга барып, аракетимди жасоого батынып турам, убакыт келди. Эгерде үйлөнүп калсам, Бек Борбиев менен ырдатпайт элем. Бактылуу турмушту көрсө, Назима өзү деле макул болсо керек. Көп бала төрөсө, мен ошого татыктуу ата катары өзүмдү көрсөтмөкмүн...
Таалай
"Азия Ньюс" гезити
