Руслан Акматбек: “Эмне үчүн бюджетте акча жок болсо, шайлоолорго акча чачышат?”
Өкмөт элден жана мекемелерден республикалык бюджетти колдоо максатында атайын эсеп ачууну көздөөдө. Бул боюнча тийешелүү токтом долбоору коомдук талкууга коюлду. Эксперт Руслан Акматбек ой бөлүштү.
-- Ишкерликти, бизнес климатты жакшыртуунун ордуна ушундай админстративдик ыкма менен бюджеттин бөксөсүн толуктоого аракеттенүүдө. Мунун арты ар бир тармакты коркутуу жолу менен кыйноого өтүшөт. Эмне үчүн бюджетте акча жок болсо, шайлоолорго акча чачышат? Коррупция гүлдөгөн бойдон турат. Көмүскө экономика кандай болсо, ошондой эле иштеп атат. Өкмөт өзү үнөмдөө механизмдерин жасабай эле, элге жүк артып коюуну көздөөдө. Мунун ордуна экономикалык активдүүлүктү күчөтсө, мамлекеттик коротууларды кыскартса болот эле да. Конституциялык эмес, экономикалык кеңешме куруш керек болчу!
Мээрим Асанова
Aryba.kg
