Коррупцияга айыпталган Сулаймановдун баласы Элдарга батир таратуу кеп эмес

30-август, 22:10

391 ᠌ ᠌ ᠌ ᠌᠌ ᠌ ᠌᠌

Убагында Нурлан Сулайманов коррупцияга айыпталып, кылмыш ишин күмөндүү жол менен жаптырып алганы аз келгенсип, баласы Элдар Сулайманов мандат алган. Бизнестерин гүлдөтүшүп, учурда байбачадай жашап жаткан чактары. Акча, мүлкү бапырап батпай калса керек. Анан минтип Элдар Сулайманов элдин көзүн жазгырып, олимпиада оюндарынан күмүш медаль алган Мунарбек Сейитбек уулуна эки бөлмөлүү батир берип, чалчактап турган убагы. Атасы өмүр бою мамлекеттик кызматтан байыса, баласы мактаныч үчүн байлыгынын “күкүмүн себелеп”, көз боёмолосо жараша береби? Коррупцияга каршы катуу күрөш башталганы чын болсо, Нурлан Сулайманов эмнеге көлөкө жерде калууда? Жумурай журт алдында жазаланбай калганы кызык...  

"Азия Ньюс" гезити