Ли Куан Ю мисалы... Садыр Жапаров үч досун камаса оңолобузбу?
УКМК төрагасы Камчыбек Ташиев, башкы прокурор Курманкул Зулушев жана “Решала” атка конгон Талант Мамытов түрдүү кызыкчылыктар менен Садыр Жапаровдун башын айлантып атышканы кызуу кепке айланды. Мамлекеттик түзүлүштү, туруктуулукту, элдин келечегин үч эргул бузуп салышпайбы? Кадр саясатына, мансап, байлык жагынан чыканактарына чейин матыра беришеби? Элдин кыжыры келүүдө. Булар эмне болгон күңүрт саясатка баратышат? Айтор, күмөн саноо жагынан олуттуу суроолор арбыды. Реформаторлук дүйнөлүк практикада уникалдуу үлгү бар. Ли Куан Ю жакын досторун камакка алган. Эрктүүлүк жана чечкиндүүлүктү көргөзгөн да. Ошондо Сингапур эли төбөсүнө көтөрүп кеткен болчу. Тазалык таризинде күрөшкөнү колдоого арзып. Натыйжада, шектүү досторунан айрылган реформатор өлкөсүн гүлдөтүп, дүйнөлүк ачылыштар астында аброй күткүн эй!
"Азия Ньюс" гезити
