Акылбек Жапаровго мектеп окуучулары да ишенбей калыштыбы?
Эске салсак, буга дейре Акылбек Жапаров мугалимдерге, мектеп окуучуларына ноутбук алып берүүнү айтып, “эмчек шишиткендей” эле үмүт кылдырып койгон. Дегенибиз, бул демилге жакында ишке ашпайт. Кызылдай калпты шыпырылта береби? Бала бакчаларга тамак бере албай тартышып, талаш жаралып жатканда, кичине Кудайды карап сүйлөбөйбү? Ал эми ноутбуктун баасына келсек, жакшылары 70-100 миң сомду чапчыйт. Ошондо өлкөдөгү мугалимдер менен окуучуларды эсептеп көргүлө. Ар бирине алып берсе, канча каражатты талап кылат? Мамлекеттин бюджети көтөрө алабы? Деги кургак сандар менен чаргыткан өкмөттүн шаасы келеби? Азырынча мектептерди ноутбук менен камсыз кылуу тек гана кыял сыңарындай. Башка толгон-токой жыртык-тешиктерди бүтөй беришсин да, туурабы? Акылбек Жапаровдун көбүртүп-жабыртканын, калпты урдурганын жадагалса окуучулар деле түшүнүп калышты го? Эмнеге мынча элди келесоо ойлоп, оюна келгенди сүйлөп, тапанданып, кыйынсына берет? Ток этерине келсек, эми мектептеги тестиерлер да Акылбекке ишенбей калышса – келечек муунга тескери үлгү жаратканы да!
"Азия Ньюс" гезити
