Купулга толбогон Азенбек Козукеев баардык иштин ашмалтайын чыгарабы?
Жол кыймылынын коопсуздугун камсыздоо башкы башкармалыгынын начальниги Азенбек Козукеев купулга толбой калды. Чындык баары бир калкып чыгат, жаап-жашырууга мүмкүн эмес. Жаңы башчынын ишмердиги жалпы өздүк курамга жага бербей, көпчүлүк канааттанбай, атургай орун басарлары да далысын салгандай го? Козукеев кадр катары милдетин, ишин толук кандуу билбей атса, анан өгөйлөшкөнү ушулбу? Азырынча көп нерсе ачыкка чыкпай турат. Айтмакчы, жол кырсыктары көбөйө баштады, өлүмдөр арбып баратат. Шаардагы тыгындарды тескөө мурдагыдай оперативдүү жүрбөй, шалаакылык орун алганына эмне дейбиз? Айдоочуларга жолдо жүрүү боюнча пропаганда, үгүт-насааттар айтылбай, артка кеткени ушулбу? Айтор, бул Азенбек Козукеев баардык иштин ашмалтайын чыгармайынча карап отура беребизби? Кыскасы, суроолор көп. Дагы чечмелей баштайбыз...
