Аймактык баланс: Алтынбек Сулайманов кийинки президентпи?
Алгач Алтынбек Сулайманов “Акжолдон” депутат болуп, кийин “Республика”, “Бир Бол”, “Альянс” партияларынан парламентке келди. 15 жыл эл өкүлүн аркалаптыр. Соңку убакта Ысык-Көлгө губернатор катары кетти. Иштеп атат. Жогорку Кеңештен алган тажрыйбасын аймакка жумшап, жакшы ниетте аракетин көргөзүүгө ашыгууда. Ал эми биздин баамыбызда, Алтынбек Сулайманов соңку президенттик шайлоого чыгышы мүмкүн. Себеби, салтка айлангандай, убактысы менен ажолор түндүк-түштүккө баланс катары оошуп келет эмеспи. Ушул жагынан алганда, “Челюсть” каймана атындагы төбөлүбүз кийинки шайлоого чейин аткаруу кызматында иштесе, аягында оппозицияга татыктуу түрдө өтүп кетсе, элди буруп, аймактык теңсалмактуулук менен күрөшкө чыкса, саясый күчтөрдүн башын кошо алса, эл колдошу ыктымал. Ошондо келечектеги президент катары көрөбүзбү?
"Азия Ньюс" гезити
