Кризистен чыгуу үчүн агрессия эмес, акылмандык керек
Жакында Владимир Путин менен Дональд Трамптын Аляскадагы жолугушуусу – мындай келишимге карай дагы бир маанилүү кадам болду. Путин дүйнөдөгү эң чоң өзөктүк арсеналга ээ өлкөнүн президенти. Ал эми Трамп тажрыйбалуу, прагматик саясатчы катары муну эң сонун түшүнөт. Ал көп жылдардан бери Россия менен күчтүү позицияда сүйлөшпөй, акыл-эстүүлүк, бири-бирин урматтоо аркылуу мамиле кылуу керектигин көрсөтүүдө.
Путинге санкциялар, коркутуулар же ультиматумдар менен басым жасоо аракети жөн эле пайдасыз эмес. Алар коркунучтуу. Муну стратегиялык стабилдүүлүк жагынан ойлонууну билген олуттуу саясатчылардын баары түшүнүшөт.
Зеленский, албетте, таланттуу артист. Бирок анын «көркөм» тышкы саясаты өлкөнү кырсыктарга, элди азапка алып келди.
Мен Орто Азиядан жакшы мисал келтиргим келет. Жакында эле мамлекеттер аралык чоң согуш коркунучу чыгып жаткан, бирок Кыргызстандын президенти Садыр Жапаровдун, Тажикстандын президенти Эмомали Рахмондун жана Өзбекстандын президенти Шавкат Мирзиёевдин акылман, салмактуу позициясынын аркасында чоң согушту тутантпоо мүмкүн болду.
Бул лидерлер бир туугандык диалогдун, дипломатиянын, компромисстин жолун тандап алышкан. Натыйжада чыңалуу жеңилдеп, эл азаптан куткарылды. Бул чыныгы даанышмандык.
Путин менен Трамптын жолугушуусу сигнал: кризистен чыгуу мүмкүн. Борбор Азиянын мисалы далил: бул үчүн агрессия эмес, акылмандык керек.
Бакыт Бакетаев, саясат талдоочу
"Азия Ньюс" гезити
