Акыркы кабарлар
» Саясат » Өмүрбек Бабанов 5-сентябрда кайтып келди
Өмүрбек Бабанов 5-сентябрда кайтып келди
06-сентябрь, 12:30
Москвада дарыланып жаткан саясатчы Өмүрбек Бабанов 5-сентябрда Кыргызстанга кайтып келди. Бул тууралуу Kaktus.media жазып чыкты. Белгилүү болгондой, ал үйүнө машина менен кайтып келген.
Августтун аягында жасалган операциядан кийин дарыгерлер Өмүрбек Бабановго учак менен белгилүү убакытка чейин учууга тыюу салышкан, ошондуктан экс-премьер жол транспорту менен үйүнө кайтып келген.
Азырынча Өмүрбек Бабанов жана анын эң жакын санаалаштары анын мекенине кайтып келиши жана жакынкы пландары тууралуу комментарий бере элек. Учурда ал азыр ден соолугун Бишкектеги үйүндө калыбына келтирип жатат.
Эсиңиздерге сала кетсек, Бабанов 31-майда Кумтөр долбоорун ишке ашыруу учурунда коррупцияга шектелип кармалган. 27-июлда ден соолугуна байланыштуу УКМКнын абагынан бошотулган жана зарыл болгон дарылоону чет өлкөдөн алышы керек болгон. 10-августта ал өлкөдөн чыгып кеткен.
