Парламенттик шайлоого 6 партия катышуу ниетин билдирди

01-сентябрь, 12:01

1 533 ᠌ ᠌ ᠌ ᠌᠌ ᠌ ᠌᠌

БШКга Жогорку Кеңештин шайлоосуна катышуу ниетин билдирип алты саясый партия кайрылды. Бул тууралуу Боршайкомдун маалымат кызматы билдирди.

Шайлоо 2021-жылдын 28-ноябрына белгиленген. Катты берүүнүн акыркы мөөнөтү 2021-жылдын 3-сентябры, саат 18:00.

БШКга кайрылган 6 партиянын тизмеси:

• "Социал-демократтар";
• "Улуттар Биримдиги";
• "Ишеним";
• "Альянс";
• Кыргызстандын "жашылдар" партиясы;
• "Жаратман эл".

БШК шайлоонун өтө турган датасы белгиленгенден кийин беш календарлык күндүн ичинде аталган жараянга катыша турган саясый партиялар Борбордук шайлоо комиссиясына кат түрүндө билдирүү жөнөтүшү керектигин эскертет.