Эл эмне дейт? Өкмөт парламенттик шайлоо бүткүчө ордунда калат
Жаңы жыл астында ажо көздөй жакындары менен резиденциясында кеңешме өткөрүшүп, өкмөттү парламенттик шайлоо бүткүчө калтырууну чечишиптир. Бирок, айрым жакпаган министрлерди алмаштырууну да пландашат (алар кимдер экени электен өтүүдө).
А реалдуу турмушта премьер-министр Мухамметкалый Абылгазиев өз милдетин аткара албай, баардык системаны туташ кризиске алып баратканы жалганбы? Экономикалык көрсөткүчтөр начар, инвестиция келбейт, жумушсуздук арбып, барган сайын социалдык көйгөйлөр курчуп баратат. О.э. күч органдарынын жетекчилери коомчулуктун кыжырына тийип бүтүштү! Жазга карай Кой-Таш окуясы боюнча тарыхый кылмыш иши сотко өтсө, жергиликтүү эл толкуп кетпейби?..
Адаттагы митингдерди күтүп отурбай эле алдын-ала бүжүрөгөн өкмөт башчыны кетирип, демилгелүү лидерди көтөрүш керек болчу. Министрлер кабинетин да жаңылап. Ошондо элде үмүт пайда болмок.
Тилекке каршы, бизде камырабаган сапатыбыз бар эмеспи. Качан гана саясый кризис башталганда эсибизге келип, “классикалык үлгү” дейбизби, аргасыздан “кол бала” өкмөттү түштөн кийин садага чапмай адатыбыз бар. Мындай ыкма Акаев режиминен бери келатат...
Aryba.kg
