Акыркы кабарлар
» Кылмыш » Ноокен районунда аялы күйөөсүн бычактап өлтүргөн
Ноокен районунда аялы күйөөсүн бычактап өлтүргөн
08-апрель, 13:38
Ноокен районунда аял күйөөсүн өлтүрүүгө шектелүүдө. Бул тууралуу Жалал-Абад ОИИБ маалымдап чыкты.
31-март күнү саат 15:00дөр чамасында жубайлар уруша кетишип, аялы ашканадагы бычак менен күйөөсүнүн төш жагына сайган. Эркек киши алган жаратынан улам ооруканага жетпей жан берген.
Аталган факт райондук ИИБге каттоого алынып, сотко чейинки өндүрүш иши башталды.
Адам өлтүрүүгө шектелип 1973-жылы туулган З.И. кармалып, убактылуу кармоочу жайга киргизилди.
Бул үй-бүлө 4 баланы тарбиялап келишкен. Экөө Россияда иштеп жүрсө, эки өспүрүм ата-энесинин колунда болчу. Аларды жакын туугандары алып кетишти.
