Акыркы кабарлар
» Коом » Чубак ажы “колдоп жаткандар өздөрү жылаңач чыгышса” дейт
Чубак ажы “колдоп жаткандар өздөрү жылаңач чыгышса” дейт
05-декабрь, 16:33
Коомдо терс маанай менен коштолгон көркөм сүрөт музейиндеги көргөзмө боюнча Чубак ажы Жалилов өз оюн айтты. Анын пикиринде, бул жерде эч кандай баалуулук жок, болгону көртирликтин айынан болуп жатат. Бул окуяны уятсыздык, нарксыздык, жүзү жоктук, элге болгон душмандык катары бааласа болот деп эсептейт. “Кызыл-кызыл кекиртек, кыйла жерге секиртет” дегендей, баардыгын жылаңач секиртип атат. Анткени алар келген тыйындарды акташ керек болду да. Мен айтат элем, колдоп жаткандар өздөрү жылаңачтанып басса (!) деп. Жок алар анткиси келбейт. Өздөрүнүн тагдырын бузгусу келбейт, башка бирөөлөр аркылуу элдин тагдырын бузуп жатат. Мен аларды элди туңгуюкка түртүп жаткан адамдар деп айтат элем” дейт дин аалымы.
“Азия Ньюс” гезити
