Аксакал окумуштуулардын башын аттап, учага жулунган Тиллебаев менен Маразыков
Аз күн мурун профессор Жумакадыр Дүйшеев 80 жылдыгын белгилеп, илимий конференциядан кийин “Кербен” кафесине кесиптештерин чогултуп, чай берет. Бүгүнкүнүн дөө-шаа филологдору тегиз жыйналып, жакшы эле маанайда башталат. Бир маалда уча тартылган табакка Абак Биялиев, Ниязбек Шаршеев жана Бектурсун Байсабаев баштаган аксакал окумуштуулар отурган жатышса, Садык Тиллебаев менен Турусбек Маразыков жулунуп киришип, кыргыздын салтында жок жорукту жасашканы кандай? Адатта, учаны улуулата тартат эмеспи, а береги эки эргул нарк-насил, калк каадасын уруп ойнобогону эмнеси? Ток этери, Тиллебаев менен Маразыковдун мындай жоругу илимпоздор арасында катуу талкууга түшүп, ушу күнү да дуулдап турган чагы. Булар агартуучулук айдыңды да жыргатпай, улууну дагы сыйлабай, айтор, иш жүзүндө илимди коммерцияга айландырып алышканы жалганбы? Тазаланууга мезгил келди!
Баса, бүгүн 10-ноябрь окумуштуулардын күнү экен. Майрамыңар кут болсун, урматтуу чыныгы илимпоздор!
Aryba.kg
