Акыркы кабарлар
» Коом » Адам өлтүрүп, качып жүргөндөр кармалышты
Адам өлтүрүп, качып жүргөндөр кармалышты
01-ноябрь, 11:00
23-октябрда “Манас” аэропортундагы унаа токтотуучу жайдан “Хонда-Торнео” унаасынын ичинен Чүй облусунун 1980-жылы туулган жараны К.Х.А.нын кыйнап өлтүрүлгөн жансыз денеси табылган эле.
Бул кылмышка шектүүлөрдү ИИМдин ыкчам тобу дыкат иликтеп, Талас, Ысык-Көл, Чүй, Ош облустарына чейин барып, издөөгө алышкан. Кылмыш иликтөө ыкчам тобунун кызматкерлери тарабынан кылмышка шектүү адамдар тез эле колго түшүштү.
Алар Чүй облусунун тургуну, мурда бир нече жолу уурулук, зордуктоо, бейбаштык жасаганы үчүн соттолгон 1992-жылы туулган Б.Ч. жана Ош облусунда туулган, мурда баңгизат сактаганы үчүн темир тордун даамын таткан И.А. кармалышты.
Бул кылмышка шектүүлөр башка кылмыштарга да тиешеси барбы, текшерилип жатат.
Aryba.kg
