Жардан кулаган унаадан эки адам мерт болду

30-октябрь, 09:15

427 ᠌ ᠌ ᠌ ᠌᠌ ᠌ ᠌᠌

Жалал-Абаддын Ноокен районундагы Кызыл-Кыя айылында "Мерседес Бенц" унаасы жардан кулап, эки адам мерт болду.

Жол кырсыгы саат 10:00 чамасында болгон. Унаанын айдоочусу рулду башкара албай жардан сайга кулап кеткен. Окуядан "Мерседес Бенц" унаасынын 63 жаштагы айдоочусу жана анын 58 жаштагы жубайы көз жумду.

Эскерте кетсек, 2019-жылы Кыргызстанда жол кырсыгы былтыркыга салыштырмалуу акыркы тогуз айда  12,3 пайызга көп катталган.