Калдарбек Абдраманов: "Колунда бар адамдар жардам берип, чыдай туралы"
Белгилүү дарыгер өз кайрылуусун жолдоду.
“Азырынча карантинден чыгууга эртерээк, инфекция жаңы таралып баштады, туу чокусуна жете элек. Медиктер тесттерди жасап, оорулууларды таап, бөлөктөп, дарылап айыктырышыбыз керек. Эл, өкмөт, адамдар бири бирине жугузбоо аракетин жасашы керек. Акча, тамак ашка муктаж болгон элге өкмөт, жергиликтүү бийлик, айылдыктар, колунда бар адамдар жардам берип дагы чыдай туралы! Угуп жатам, биздин кээ бир айылдарыбызда чогулуп бир жумада бир жылкы, уй союшуп элине тегиз таратып тамак ашын камсыз кылып, тынч эле үйлөрүндө акырын карантинге баш ийип оокатын өткөрүп жатышат. Демейде бир жумада айылда күндө той, күндө аш болуп ысырапкерчилик болуп жатса, азыр ашыкча чыгым жок эле баарына ошол бир жылкынын, уйдун эти бир жумага кенен жетип, ачка калган эч ким жок, туугандар! Биздин баарыбыздын максат ооруну жеңүү, антпесек оору бизди жеңет! Өкмөттүн бүл демилгесин мен толук колдоого чакырам! Күч биримдикте! Ооруну чогуу жеңебиз!” деп билдирген.