Жалпы 19 медицина кызматкери коронавирус жуктурду
Бүгүн, 7-апрелде Кыргыз өлкөсүндө коронавирус оорусун дагы 12 адам жуктуруп, жалпы саны 228 адамга жетти. Жаңы жуктурган 12 адамдын жетөө дарыгерлер. Бул тууралуу саламаттыкты сактоо министри Сабиржан Абдикаримов билдирди.
"Бүгүн коронавирус жаңы катталган 12 адамдын баары тең Ош облусунан. Булардын ичинен, тилекке каршы, 7 адам медицина кызматкерлери. Алардын экөө дарыгер, бешөө медайым болуп иштечү", - деп билдирди министр. “Бүгүнкү күндө COVID-19 инфекциясын жуктуруп алган дарыгерлерге кенемте төлөп берүү маселеси каралып жатат. Кенемтенин суммасын комиссия аныктайт – бул бир жолку компенсация, ал эми өлүм учуру катталса, башка кенемте каралат”, – деп билдирди саламаттык сактоо министри С.Абдикаримов.
Анын айтымында, ушул күндөрү өзгөчө абал учурунда дарыгерлердин макамы тууралуу мыйзам Жогорку Кеӊешке кароого киргизилет жана алар тез арада оӊдоолорду киргизүүгө даяр.