Качкын Булатов: “Сокени камабаса, Садыр Нургожоевич да алданып калат”
Өткөн саныбызда “Экс-президенттердин макамы алынса, Сооронбай Жээнбековго кандай жаза көрүлүшү мүмкүн? Же бийликти колго алып койгону ыраспы?..” деген собол ташталып, “Сооронбай Жээнбеков камала турган убак алыс эмес” деген макала жарык көргөн. Бул боюнча укук коргоочу Качкын Булатов кайдыгер эмес экенин билдирип, кошумча үн кошту.
-- Качкын мырза, экс-президенттердин макамы чындап эле алынса...
-- Экс-президенттердин макамы алынса жакшы болгону турат. Муну эмнеге киргизген? Булар өздөрүн коргош үчүн киргизишкен да. Менимче, ар бир президент кызмат учурунда макамы болушуна каршы эмесмин. Ал эми кызматтан кеткенден кийин эл катары эле “макам-сакам” дебей жашасын. Буларды өтө эркелетип койгонубуз туура эмес. Ал эми Сооронбай Жээнбековго келсек, анын да макамын алып салып, жоопко тартуу керек. Далай кылмыш иштерин жаап-жашырганы үчүн иш козгосо болот. Ар дайым “мага факти-факти бергиле” деп келжиреп келди. Фактыны апкелсе, көрсөтсө да “бул жетишсиз, дагы бергиле” демиш болуп, канча журналисттерди куугунтуктады? 2020-жылдагы Октябрь окуясы эмнеден келип чыкты? Шайлоону бурмалап, өзү жан тарткан партияларды алып чыгып, элди толкутту. Бул да чоң кылмыш. Соке табиятынан куу, митаам эмеспи, ошондуктан азыркы бийликтин колдоосунда болуп атат. Алмазбек Атамбаевди алдагандай Садыр Нургожоевичти да алдап кетет. Ошого жеткизбей камап салуу зарыл.
Сурат Жылкычиев
"Азия Ньюс" гезити
