Трамп “АКШда 200 миңден аз адам вирустан көз жумса жетишкендик” деди
АКШнын президенти Дональд Трамп пресс-жыйында, эгер АКШда 200 миңден кем адам коронавирустан көз жумса, анда жакшы жетишкендик экенин белгиледи. Бул тууралуу “Коммерсантъ” басылмасы билдиргенин “Барс медиа” жазып чыкты.
“Эгер биз бул көрсөткүчтү төмөндөтсөк, айтып жаткандай 200 миң киши, бул албетте, коркунучтуу сан… Бирок биз силер менен чогуу аябай жакшы ишти кылган болобуз”,-деди Трамп.
Анын айтымында, эгер бийлик эч кандай чара көрбөсө, анда коронавирустан каза тапкандар 2 миллион 200 миң кишиге чейин жетиши мүмкүн эле. Ал өлүмдүн саны 2 жума ичинде өсөт деп эсептейт. Ал эми оорунун төмөндөшү 1-июнда деп күтөт.
Эске салсак, АКШда коронавирус жуктургандардын саны 142 502 кишиге жетти. 2 400 киши бул оорудан каза тапты. Ошондой эле бул коронавирусту жуктаргандардын саны боюнча дүйнөдө биринчи орунга чыкты.
