Акыркы кабарлар
» Коом » Чек ара чыры: сүйлөшүүлөрдүн экинчи айлампасы Лейлекте өтөт
Чек ара чыры: сүйлөшүүлөрдүн экинчи айлампасы Лейлекте өтөт
13-апрель, 12:39
Кыргызстандын чек ара кызматы кыргыз-тажик чек арасындагы соңку ок атышууга байланыштуу эки тараптуу сүйлөшүүлөрдүн жүрүшү тууралуу маалымат берди.
Анда алгач тараптар Тажикстандын “Овчи-Калача” көзөмөл өткөрүү бекетинде жолугуп, чек арага тартылган кошумча күчтөрдү алып кетүү, эки өлкөнүн кеңири курамдагы делегацияларынын жыйынын 13-апрелде күндүзгү саат 11де ок атышуу болгон аймакта – Лейлек районундагы Селкана тилкесинде өткөрүүнү макулдашты.
Ушул тушта аймакта күч түзүмдөрү күчөтүлгөн тартипте иштеп жатат. Тажикстан соңку окуя жана сүйлөшүүлөр тууралуу расмий маалымат бере элек. Баткендеги абалды коопсуздук кеңешинин катчысы Марат Иманкулов көзөмөлдөп, күч кызматтары менен жергиликтүү бийликтин ишин координациялоону жеринен жүргүзүүдө.
