Журналист Турсунбек Бейшенбековдун укугу бузулбасын!
ЖМКларда Жеңиш Разаков менен Курсан Асановдун тирешинин айынан журналист Турсунбек Бейшенбековдун жабыркап атканы, улам сурак берип, үй камагына алынганы маалымдалган. Негизинен саясый күрөштү калемгерлер чагылдырууга укуктуу, мындай алкакта сөз эркиндиги чектелбеши зарыл. “Бир уйдун мүйүзү сынса, миң уйдуку зыркырайт” дегендей, журналисттерге келгенде бийлик, күч органдары астейдил мамиле кылышы керек. Маалымат таратууну чектөө, басым жасоо жакшылыкка алпарбайт. Андыктан, “Чындык” сайтынын редактору Турсунбек Бейшенбековдун бүгүнкү кысымдардан арылышына тилектешпиз!
Ал эми Жеңиш Разаков менен Курсан Асановдун көшөгө артындагы кагылышы мыйзам талаасында иликтенип, кимиси күнөөлүү экени акыры ачыкталышы керек. Эл да акыйкатты, ак менен караны ажыратсын да. Бул жагы баарыбызга түшүнүксүз болууда... Ортодон кимдир бирөө курмандыкка чабылып кетүү логикага сыйбайт го?..
Aryba.kg
