Ар бир чыгымды ойлонуп жасап, каражатты акыл менен пайдалануу зарыл
Скруж Макдактын акча тууралуу 5 алтын эрежеси. Бул кеңештер каражатты туура башкарууга жардам берет.
1️. Ар бир тыйын – сенин эркиндигиңди коргой турган жоокер. Аны болбогон нерсеге коротпо.
Эгер акчаны ойлонбой сарптай берсеңиз, каржылык эркиндикке жетүү кыйын болот. Ошондуктан ар бир тыйынды баалап, акчаны сарамжалдуу пайдаланууну үйрөнүңүз.
2️. Адегенде өзүңө төлө, анан башкаларга.
Бул эреже дайыма каржылык коопсуздук жаздыгын түзүүгө жардам берет. Кирешеңиздин бир бөлүгүн алгач өзүңүздүн келечегиңиз үчүн сактап коюңуз. Ошондо бюджетиңизди көзөмөлдөп, карызга батпайсыз.
3️. Байлык көп тапкандарга эмес, акчаны туура башкара билгендерге келет.
Көпчүлүк байлык жогорку кирешеден гана көз каранды деп ойлошот. Чынында аз-аздан топтолгон каражат же инвестиция убакыттын өтүшү менен чоң жыйынтык берет.
4️. Акча иштеши шарт, жөн эле жатып калбашы керек.
Жөн эле сакталган акчанын наркы инфляциянын таасиринен төмөндөйт. Ошондуктан акчаңыз киреше алып келе турган багытта айланып турушу маанилүү.
5️. Акча коротуу оңой, аны табуу кыйыныраак.
Бул эреже акчанын чектелүү ресурс экенин эскертип турат. Ошондуктан ар бир чыгымды ойлонуп жасап, каражатты акыл менен пайдалануу зарыл.
