Бадыраң тамак сиңирүүнү жакшыртып, бөйрөктүн иштешин нормалдаштырат
Бадыраңдагы витаминдер жана минералдар биздин ден соолугубузду бекемдеп, ооруларга каршы натыйжалуу күрөшөт.
Иммундук система үчүн
Бадыраңда ракка каршы эки маанилүү фитонутриент бар. Лигнан жана кукурбитацин рак клеткаларын жок кылып, уйку бездеги, энелик бездеги ооруларды жана эмчек рагынын пайда болуу коркунучун төмөндөтөт.
Булчуң-таяныч тутуму үчүн
Бадыраңдан алынган К витамини сөөктүн ден соолугуна жакшы таасир этет. Бадыраңды жегенде сыныктар азайып, сөөктөрдүн тыгыздыгы жогорулап, организмдеги кальций балансы сакталат.
Жүрөк-кан тамыр системасы үчүн
Бадыраңда жүрөк ооруларынан коргой турган калий бар. Жаңы бадыраң жана анын ширелери гипертония оорусун азайтып, тамырлардын кеңейишине шарт түзөт.
Нерв системасы үчүн
Бадыраңдын курамындагы физитин мээнин иштешине пайдалуу. Бул зат мээнин ден соолугун гана колдобостон, карылардын ооруларынан сактайт.
Тамак сиңирүү үчүн
Бадыраң тамак сиңирүүнү жакшыртат, ашказан, ичеги-карын жолунун жана бөйрөктүн иштешин нормалдаштырат.
"Азия Ньюс" гезити
