“Бири-бириңерге өчөшүп турмуш куруп кетпегиле!”
Мен мындан 10 жыл мурун бир бала менен үч жарым жылдай сүйлөшүп жүрдүм. Экөөбүз баш кошмокчу болуп, мен андан мурда айылга келгем. Анан ал дайынсыз болуп кетти. Көрсө, жакын сырдашып жүргөн курбумдун алыс тууганы болот экен. Ал мен тууралуу жаман сөздөрдү айтып, менден ажыратты. Кыскасы, мага ишенбеди, мен да ага өчөшүп, тааныбаган, билбеген жигитке турмушка чыктым. Аллага шүгүр, балдарым бар, бирок биринчи сүйүү эстен кетпейт экен. Билем, башканы ойлоп, туура эмес иш кылып атам. Кээде интернеттен издейм, эски почтасын таап, чукулай берем. Ал тууралуу издей берем. Аялынын сүрөттөрүн көрүп, ичим күйөт. Мен жаңы турмушка чыкканда капыстан бир тойдо көрүшүп, бири-бирибизди карап, көздөн жаш куюлган. Андан бери көрүшө албадык. Айтарым, бири-бириңе өчөшүп турмуш куруп кетпегиле. Бири-бириңе ишенгиле!
